Herfst op Gotland

Ik hebbe de thriller Herfst op Gotland lezen. Een mooi en spannend boek van de Zweedse schriever Håkan Nesser. Inpekteur Gunnar Barbarotti en zien kollega en partner Eva Backman gaon tiedelik op et eilaand Gotlaand wonen. D’r lopt naemelik een intern onderzuuk in Stockholm tegen Backman omdat die mit heur dienstwaopen bi’j ongelok een jonge doodscheut doe ze die trappeerden op et in de braand stikken van auto’s. Mar vule rust kriegen ze op Gotlaand niet. Barbarotti daenkt dat hi’j daor de bussjefeur fietsen zicht die zes jaor eerder van een veerboot gooid en laeter doodverklaord is. Zien lichem is liekewel nooit vunnen… Zol die man now op Gotlaand wonen?