Heil om seil

Veur de staaropperaosies he’k nog wat boeken lezen, ik hadde wel in de gaten dat dat veurlopig niks wodden zol. Ik hebbe zodoende et mooie boek Heil om seil van Hylke Speerstra lezen. Ien van de grootmeesters van de Friese literetuur. In dit boek staon sfeervolle verhaelen over de schippers van eertieds. Schippers die mit modder veerden, mit dong en turf. En viskers die de aol verkochten in Londen. Verhaelen over et hadde leven van doedestieds, want et was vrotten om een peer centen te verdienen. En de vrouw van de schipper soms in de liende… Wat een leven. Speerstra interviewde veur dit boek tal van schippers. Et boek kwam veur de eerste keer uut in 1968 en is een prachtig sociaol dokement. In et boek staon tekenings van Anne Tjerkstra.