Heerlike fietstocht

Ik hebbe vandaege een heerlike fietstocht van 45 kilemeter maekt. Ik bin bi’j de Lende langes naor de Driewegsluus reden en doe over de Scheenesluus naor et resteraantien an de Helomavaort bi’j de Ooldelaemster Brogge. Daor he’k een koppien drinken en een brotien hamburger had. Et was drok mit boten. Deur de Braandemeer bin ‘k staorigan weer op huus an gaon. Et was meerst bewolkt, mar ik hebbe ok een schoft zunneschienweer had. De temperetuur leup op naor 23 graoden. Heerlik. Ik was van doel en maek een nog wat langere fietstocht, mar hebbe de bujjerader goed in de gaten hullen. Ik was krek op ‘e tied thuus veur de regen en kon de waske zowat dreuge van de liende haelen. Ik hope dawwe nog wat meer van die mooie daegen kriegen. Begin oktober kan et ok nog hiel mooi weer wezen. In et verleden hebben mien moeder en ik wel es suteld in de Westhoeke en hawwe et zwiet op ‘e rogge, zo waarm was et. We sutelden vroeger in de eerste weke van oktober. Hieronder een foto: disse knaopen geneuten ok van de mooie haastdag.