Harry op vesite

Vandemiddag kwam Harry van De Lemmer bi’j me op vesite. In december he’k bi’j him west en het hi’j me mit uut eten neumen. En now heb ik him mit uut eten neumen. We hebben eerst vandemiddag wat bi’jpraot op et terras aachter et huus mit wat drinken en lekkers d’r bi’j. Doe hewwe een kuier maekt bi’j de Scheene en mien oolde huus langes. Wat bluuit de vleer mooi en wat was et fantastisch mooi weer vandaege. Vanaovend hewwe heerlik eten bi’j De Rustende Jaeger in Hooltpae. Daor zat et vol mit eters. Et was hatstikke lekker. Ik hebbe heerlike aspergesop en scholfilet had. Nao et eten het Harry me weer thuusbrocht en is vervolgens weer of zet naor De Lemmer. Ik bin  now zo zat as een tieke. Hieronder nog twie foto’s van gister. Boven: de karke van Warffum. Onder: gezicht over et Wad vanof de Spaanse Trappen.