Harlingen
Plaetst op 28 meert 2023.
Deur et virus he’k beheurlik wat geheurverlös oplopen. Dat is best wel zorgelik. Ik hebbe vandemorgen neusdruppen van de dokter kregen. Misschien dat et dan van binnen wat opschoond wodt. As et niet helpt, weet ik niet wat d’r dan weer gebeuren moet. En zo blift et mar deurgaon.
Vandemiddag he’k wel weer vot west te vertellen. Ik moch naor de karke De Haven an de Noorderkade in Harlingen. Daor moch ik vertellen veur de NVVH Harlingen. D’r weren 45 vrouwluden. Ik was eerder bi’j heur west in 2014. En doe dee blieken dat de mikrefoon et niet dee. Wat een ramp. Ik bin nog best wel een betien schor en zol mien stemme verrinneweren zonder mikrefoon. Ze bin allemaole wat dichter bi’j me zitten gaon en doe mos ik et toch mar zonder mikrefoon perberen. Halverwege et eerste verhael kwam d’r een man dwas deur et volk op me toe lopen mit de mikrefoon die et weer dee. Mar ja, doe wa’k vanzels de draod van et verhael kompleet kwiet en mos ik zien da’k al vertellende weer op et goeie spoor kwam. Mar ik hoefde mien stemme in ieder geval niet naor de barrebiesies te helpen. Et was veerder een prachtige middag, de vrouwluden geneuten. En dan geniet ik ok.. Hieronder een foto die ‘k an et begin van de middag in Harlingen maekt hebbe. Hier vlakbi’j was de karke De Haven, daor a’k verteld hebbe.
Vandemiddag he’k wel weer vot west te vertellen. Ik moch naor de karke De Haven an de Noorderkade in Harlingen. Daor moch ik vertellen veur de NVVH Harlingen. D’r weren 45 vrouwluden. Ik was eerder bi’j heur west in 2014. En doe dee blieken dat de mikrefoon et niet dee. Wat een ramp. Ik bin nog best wel een betien schor en zol mien stemme verrinneweren zonder mikrefoon. Ze bin allemaole wat dichter bi’j me zitten gaon en doe mos ik et toch mar zonder mikrefoon perberen. Halverwege et eerste verhael kwam d’r een man dwas deur et volk op me toe lopen mit de mikrefoon die et weer dee. Mar ja, doe wa’k vanzels de draod van et verhael kompleet kwiet en mos ik zien da’k al vertellende weer op et goeie spoor kwam. Mar ik hoefde mien stemme in ieder geval niet naor de barrebiesies te helpen. Et was veerder een prachtige middag, de vrouwluden geneuten. En dan geniet ik ok.. Hieronder een foto die ‘k an et begin van de middag in Harlingen maekt hebbe. Hier vlakbi’j was de karke De Haven, daor a’k verteld hebbe.