Gruunte zonder vergif

Gisteraovend is de jaorlikse mark bi’j oons mfc weer uut aende zet. Meensken die spul over hebben uut heur tuun verkopen dat an meensken die gien tuun hebben. Een mooi initiatief. Ie kun d’r van alles kopen: gruunte, eier, bloemen, gebak, sjem, siroop en likeur. Ik hebbe twie bossies bloemen kocht, een stokkien gebak en vleerblossemsiroop. Gruunte hoef ik niet te kopen, want ik kriege nogal wat van Anke, uut heur volkstuun. Laestdaegs kwam ze mit chinese boonties, wottels, een courgette, rooie bieten en een bakkien kervelsoep. De kervel komt ok uut heur tuun. Alles is hiel lekker en zonder vergif. Vandaege het Anke et huus schonemaekt en ik bin op ‘e fiets naor Wolvege west veur fysiosport.

Wopke en Alie stuurden me een kaorte vanuut Mestricht. Ik mag annemen dat ze daor een veurstelling van André Rieu en zien orkest zien hebben. Dat was grif een geweldige belevenis!