Grootegast

We bin vandaege op stap west naor Grootegast in et Westerkertier. Daor bin an et Museumplein drie museums onder ien dak. Et Legio Museum mit alderhaande mooie bouwwarken die van legostienties maekt binnen, et Drokkeri’jemuseum daor aj’ zien kunnen hoe kraanten en boeken vroeger drokt wodden en et prachtige Victory Museum over de Twiede Wereldoorlog. Een vliegtuug, alderhaande militaire voertugen, uniforms, onderscheidings. D’r is enorm vule te zien. En ok een prachtige lange film over de oorlog in Nederlaand. We hebben ongeveer de helte zien, tot halverwege 1942. Al mit al hewwe d’r drie uren te zuke brocht. We hebben daor in et resteraant eerst wat drinken had mit wat lekkers d’r bi’j. Vanaovend hewwe lekker waarm eten had in ’t Witte Huus in Donkerbroek. Daor was et november-schnitzelmaond. Een hiele protte soorten schnitzels veur mar 14,50 euro et stok. Ik hebbe een Engelse schnitzel had. Dat is iene mit keze en een spiegelei d’r bovenop. Heerlik! Hieronder nog een foto die ‘k vandemiddag maekt hebben in et Victory Museum.