Grensland Stellingwerf

Vandemiddag he’k et voegelvoerhusien butendeure zet en ik hebbe vetbollen en een nettien mit aepeneuten ophongen. Ze verwaachten wat winter en lichtkaans ok wat sni’j. Dat betekent dat de voegelties weer voerd wodden moeten. Ik hebbe een hiele protte voegelvoer insleugen, dat laot de winter mar kommen. Ik moet trouwens nog zien as et wel echt winter wodt, et zal grif niet vule wodden.

Ik hebbe et boek Grensland Stellingwerf van Meindert Schroor lezen. De ondertitel is Duizend jaar grenzen op het snijvlak van Friesland met Drenthe en Overijssel. Schroor beschrift hoe die greenzen indertied ontstaon binnen. Poletieke ontwikkelings, vervenings, ontginnings… Ok et Rampjaor 1672 komt rejaol an bod. Et boek zicht d’r prachtig uut in een had kaft en is dit jaor uutgeven deur de Stichting Stellingwarver Schrieversronte.