Ik bin weer thuus uut Goes. Ik hebbe now langer wark as een jaor of wat leden. Doe moj’ nog 120 kilemeter in et ure rieden en now nog mar 100. Ik bin vri’jdagmorgen om half tiene votgaon en was om kwat over iene in Goes. Onderwegens he’k twie keer even stopt om me wat te vertreden en een plakkien bolle op te eten. Ik kon et pad nog hiel makkelik zonder navigaosie vienen. Laeter op ‘e middag kwammen Deli en Elroy ok. En et joongien dat nog niet geboren is, was ok naodrokkelik anwezig! Nog even… We hebben dit weekaende genoeglik praot en we hebben vri’jdagaovend heerlik eten in resteraant De Bras in de Goesse binnenstad. Hieronder een foto van Roelien en mi’j in et resteraant veur et eten. Morgen meer.