Goes

Ik gao vandemorgen eerst naor fysiosport in Wolvege en dan rie ik van daor naor mien schoonzuster Roelien in Goes. Dan kom ik daor flink wat laeter an as aanders, mar dat is now ienkeer zo. Roelien heur kammeraodske Zwanie uut Aalten is d’r ok. En an et aende van de middag kommen Fred en Jannie uut Yerseke daor ok nog. Fred was een kammeraod en kollega van breur Jan en Jannie was een kollega en is een kammeraodske van Roelien. Ik neme ze vanaovend allemaole mit uut eten in de mooie binnenstad van Goes. Poes is niet allienig. Anke maekt hier intied de boel schone en kikt elke dag bi’j him. Et is de bedoeling da’k zundagaovend weer thuuskomme. Dan komt d’r weer een dagboekstokkien. Morgen dus niet.