Goes

Ik bin van doel en gao een peer daegen naor schoonzuster Roelien in Goes. Over een ure, om kwat over negen, stap ik in de auto. Ik zie deur alle spierpiene in nekke, schoolders en rogge wel wat tegen een lange autorit op, mar ik wil et toch perberen. Ik vien et ok altied aekelik en laot poes allienig, mar daor wodt goed veur zorgd. Anke komt hier morgen om et huus schone te maeken. Daor was ze gister al mit an de gang, mar de stofzoeger is stokkend gaon. Morgen nemt ze heur eigen stofzoeger mit. Wat een gedoe toch. As et me lokt mit wifi en zo, maek ik wel een dagboekstokkien in Zeelaand. Mar dan moet et me wel lokken en dat is lange niet zeker.