Johan Veenstra
Stellingwarver schriever en verteller

Gien opperaosie

Plaetst op 11 oktober 2024.

Vandemiddag he’k weer een gesprek had mit de chirurg. Ze gaon me veurlopig niet oppereren. Ik zal zeker weer op een bepaold ogenblik last kriegen van de vernauwing in de dunne daarm en dan moe’k weer naor et ziekenhuus. As dat mar ien keer in de twie jaor gebeurt en et in et ziekenhuus de hieltied weer opknapt, lao’n we et veureerst zo. Moch et almar vaeker gebeuren, dan wodt et een aandere zaeke en moet opni’j bekeken wodden as d’r dan wel oppereerd wodden moet. Veurlopig dus niet.

Mien veurdeure is vandaege trouwens wel oppereerd. Overbuurman Johan en zien omke Roelof (die mien huus mit zet het in 1989-1990) hebben d’r een ni’j slot en een ni’je klinke inzet. Now is dat ok weer klaor.