Gezonde fietstocht

We hebben vandaege een lekkere en ongetwiefeld ok een gezonde fietstocht van 44 kilemeter maekt. Et was hooguut mar 16 of 17 graoden, mar de zunne was d’r algedurig volop bi’j en zoks schilt een protte. D’r ston wel wat een hadde wiend, mar dat was iederkeer zo vandezoemer. Dat zal de klimaotveraandering wel wezen. We bin bi’j de Lende langes naor de Driewegsluus reden en daor hewwe op et terras waarme poeiermelk en appelgebak had. Vervolgens biwwe naor Ooldemark fietst en doe een tippien richting Stienwiekerwoold en doe biwwe onderweg ofsleugen naor Willemsoord. Van daor biwwe naor et begin van de Eese gaon en doe over Steggerde en De Hoeve naor huus toe. We hebben lekker waarm eten had in et resteraant bi’j de Koepelbos in Berkoop. Hieronder een foto die ‘k an et begin van de middag maekt hebbe bi’j de Driewegsluus.