Gelduutgeversdag

Veurdawwe vandaege et pad uutgaon binnen om een flutse geld uut te geven, hewwe hier thuus eerst de batteri’jen van et katteloekien vervongen. Eregister begon d’r een rood lochien te knipperen as teken dat de oolden haost leeg weren. Gelokkig ha’k vandaege iene bi’j me die slimme haandig is en et spul in twie menuten verwisseld hadde. Dat was mi’j niet lokt. In de haandleiding staot dat de batteri’jen in ieder geval een half jaor mit kunnen. Mar bi’j mi’j bin ze aanderhalf jaor mitgaon. Poes kan now weer rustig in- en uutflutten. En doe biwwe op stap gaon. Eerst naor modehuus Blauw in Jubbege. Die hebben zokke grote adverteensies in de kraante op et ogenblik, dat ik hebbe slimme veurdielig een truigien en een bi’jpassende boezeroen kocht. Vervolgens biwwe naor tuuncentrum Tuundorama in Drachten-Zuud west. Daor hewwe beidend een hiele flut spul insleugen. Elk ok een mooie orchidee en hiele flutten voegelvoer veur de kommende winter. En lekkers… We hebben daor in et resteraant wat drinken had mit wat lekkers d’r bi’j. En doe biwwe in Drachten naor postzegel- en muntewinkel Feddema west. Daor he’k ok wat kocht. We hebben vanaovend heerlik waarm eten had in resteraant ’t Koepelbos in Berkoop. Ik hebbe (weer) een groot stok schnitzel in de tasse mit naor huus neumen. Ik gao now thuus weer es een peer daegen zonder vleis deur et leven.