Gekmanswaark

Vandemorgen he’k op ‘e fiets naor fysiosport in Wolvege west. Doe ‘k thuuskwam was Anke de boel in huus an ’t schonemaeken. Ik hebbe vandemiddag nog wat verhaelen rippeteerd. Daor za’k zundag uutgebreid mit an de gang.

Ik hebbe de Grunningstaelige verhaelebundel Gekmanswaark van Bé Kuipers (1946) lezen. Et bin mooie verhaelen. De bundel was in 2017 et varenfattegste begunstegersbouk van Stichting t Grunneger Bouk. In 1998 was zien boek Ofzain en ienlevern ok et begeunstigersboek. Ik leze krek zo makkelik Stellingwarfs, Fries, Grunnings en Drents. Et is mooi om in al die taelen boeken te lezen en zodoende te zien wat d’r in die taelen uutkomt en om je eigen schrieveri’je daormit vergelieken te kunnen.