Gedicht vertaeld

Doe ‘k gister in de loop van de middag thuuskwam uut Noordwoolde he’k sebiet een donkere kruudkoeke bakt mit een protte rezienen d’r deurhenne. De koeke is heerlik wodden!

Ik bin now klaor mit et vertaelen van et gedicht notysje fan in sechstiger van Syds Wiersma. Aafje Bouwer het een eerste vertaeling maekt en doe heb ik ok een vertaeling maekt. Die vertaeling hebben ze bekeken en doe wol Syds graeg op drie punten nog veraanderings anbrocht hebben. De veraanderings die hi’j veurstelde wa’k et niet mit iens. Dat was gien mooi en geef Stellingwarfs. En dat mos et wel wezen. We hebben de hiele morgen henne-en-weer maild en overlegd en uuteindelik was de vertaeling van et gedicht klaor en iederiene tevreden. Zoks geft een goed gevuul. Et dreegste was de zin tsjin de klimwetters stean. Daor he’k in et Stellingwarfs de waeterwal wel andurven veur bedocht. Dat vunnen we een mooie foonst. City of literature zal et gedicht bruken op ‘e keunstmannefestaosie Eupen Stal in Berkoop van dit jaor.

Vandemiddag he’k veur de JVS et pad uut west veur overleg en ik bin op ‘e fiets naor de apteek in Wolvege west om medesienen. Et was heerlik fietsweer.