Geciefer
Plaetst op 22 augustus 2022.
Ik bin gisteraovend en vandemorgen drok doende west mit de financiĆ«le ofrekening van oonze aktiviteiten op Eupen Stal. Wat een geciefer… Morgenmiddag brengen we verslag uut an de direkteur van de Stellingwarver Schrieversronte en dregen we et geld over. Et was hatstikke vremd da’k vandemiddag niet naor Berkoop hoefde. Ik was d’r zuver wat onwennig van. Om me te troosten zorgde poes veur een halfvervreten moes die hi’j op ‘e onderste tree van de trappe legd hadde. Ik hadde krek een peer weken gien last van dit gedoe had, mar now was et dus weer raek. Vandemiddag bin ‘k op ‘e fiets over et Lendepattien naor Wolvege west om flink wat bosschoppen op te haelen. Twie volle fietstassen en een volle tasse an et stuur. Vanof morgen he’k hier een uutvanhuzer over de heerd die de hiele weke blift. Dat betekent dat de dagboekstokkies op slim ongeregelde tieden plaetst wodden zullen.