Gammel (2)

De dokter het vandemorgen een peer plakkies anstipt mit stikstof en dat moet over twie weken nog een keer gebeuren. Ik hebbe al zes keer huudkanker had, dat et spul moet goed in de gaten hullen wodden. Veur de verkooldhied die mar niet goed opknappen wil, he’k spray kregen om in de neuze te spuiten, zodat dat in ieder geval wat roemer vuult. Ik mag wel fietsen mit mooi weer en ik mag woensdagmiddag ok wel perberen om in Drachten wat verhaelen te vertellen. As dat goed lokt, kan ‘k aandere dingen eventueel ok doen. As et me te zwaor vaalt, kan ‘k aandere dingen ofzeggen. Zo moet et eerst mar. Vleden weke kree’k twie uutneudigings veur verschillende vergeerderings en drie uutneudigings veur de eupening van verschillende tentoonstellings. Ik gao nargens henne. Ik hope toch echt dat et dudelik is da’k dat allemaole niet kan.