Fysio

Omda’k nog mar twie eerpels in huus hadde, he’k vandemorgen naor gruunteboer Theo op ‘e mark in Wolvege west. D’r kwam daor drekt een man op me toe die me vertelde dat de vrouw en hi’j zundagmiddag slim geneuten hadden van et optreden van Grytsje Kingma en mi’j in de Sionskarke van Ooldeschoot. Zoks is mooi! Dan doej’ et niet veur niks! Omda’k weer een protte last van zere spieren hebbe, bin ‘k vandemorgen (weer) naor Marian west veur fysio. Ik zal ankem weke deensdagmorgen weer naor heur toe. Middags moe’k dan onder et mes en krie’k een stokmennig krammen in et heufd. Ankem weke zit d’r dus gien gezellig daggien vot in et vat. Hieronder nog een foto die ‘k gister in Hoorn maekt hebbe. Dit is de Heufdtoren an de haven. Et is een oolde verdedigingstoren van kalk- en bakstien uut 1532. Dat is lange leden! Een jaor laeter zol Willem van Oranje geboren wodden…