Friese Middag Rinsumageest

Ik was vandemiddag op een sfeervolle Friese Middag mit verhaelen, veurdrachten en meziek in Harbarg et Rechthuus in Rinsumageest. Daor wodde een ode brocht an schriever Ype Poortinga (1910-1985) die daor vroeger woonde. Poortinga schreef historische romans en gedichten. Hi’j is bekend wodden deurdat hi’j geweldig vule volksverhaelen bi’j mekaander gadderd het. Krek as Dam Jaarsma indertied ok dee. Kammeraod Douwe Kootstra vertelde over leven en wark van Poortinga en vertelde vanzels as Masterferteller fan de Fryske Walden ok een peer verhaelen. Kostelik! Aggie Meijer en Thom Boonstra leesden verhaelen veur en de bekende Friese zanger Marcel Smit fleurde de middag op mit zien lieties en meziek. Ik zat bi’j Dick en Bonnie uut Drachten. Mooi dat die d’r ok weren! D’r was trouwens een protte volk. Bonnie het van mi’j de keunst ofkeken hoe aj’ ammarillen overholen en weer in de bluui kriegen moeten. Et was een prachtige middag. Hieronder een foto die ‘k daor vandemiddag maekt hebbe. De karke en et Rechthuus in et centrum van Rinsumageest.