Friese Boekeweke

Vandemorgen he’k naor Marian in Wolvege west veur fysiomassage. Ik hebbe op et ogenblik een protte last van zere spieren, dat ik doe veureerst allienig wat ontspannen dingen zonder stress. Et moet d’r niet al te vule op ankommen.

Op 30 oktober zet de Friese Boekeweke uut aende. Dan wodt et jaorlikse kedoboek ok prissenteerd. Waor dat wezen zal is nog niet bekend. In dat boek staon verhaelen van zes schrievers. Van mi’j staot et verhael Parredies d’r in. In de weke d’r nao bin d’r vier peblieksaovens daor iederkeer drie van de zes schrievers an mitdoen zullen. Ik bin op 2 november in de biebeltheek van Et Vene (Heerenveen) mit Gerard de Jong en Gabrielle Terpstra. En op 3 november bin ik mit Henk van der Veer en Martsje de Jong in De Koperen Kees in Sneek. De liefhebbers kun dat alvast in de agenda zetten. D’r bin dan ok nog peblieksaovens in Het Graauwe Paard in Ooldebildtziel en de biebeltheek van Makkum, mar daor bin ik dus niet bi’j.