Frederik Hendrik

Ieder jaor laot ik deur PostNL vellegies postzegels maeken betreffende de geschiedenis van et keuningshuus. De vellegies veur dit jaor bin klaor, ik kreeg ze gister toestuurd deur PostNL. Op ‘e postzegels staot een petret van stadhoolder Frederik Hendrik. Et is dit jaor 375 jaor leden dat hi’j wegraekte. Ik kreeg toestemming van et Rieksmuseum in Amsterdam om dit petret van Frederik Hendrik, dat maekt is deur een onbekende meester, te bruken. Et Rieksmuseum warkt altied geweldig goed mit! Op disse meniere wodt mien verzaemeling rieker en… een hiel fluttien meensken uut et hiele laand nemen mien vellegies en losse zegels tegen kostpries van me over veur heur verzaemelings. Mar ie kun de postzegels vanzels ok gewoon op een enveloppe plakken. De kostpries van een vellegien is 10,95 euro. Hieronder een scan van een vellegien. In de warkelikhied zicht et d’r vanzels vule mooier uut.