Foto van Lenus

Vandemorgen was ik weer bi’j Jerre Heurzorg in Et Vene. Ze hebben daor nog wat verschillende testen daon. Et heurapperaot da’k zeuven weken op proef had hebbe, he’k now definitief. Ik kan zodoende weer vuuf jaor veuruut. Ik hope da’k die jaoren nog uutsulen mag, mar dat is vanzels lange niet zeker. Et leven wodt mit et oolder wodden almar meer een wippel spullegien. Vandemiddag he’k weer verhaelen rippeteerd veur et optreden van morgenaovend in Eesvene. Hieronder dan nog een foto die me vandaege toestuurd wodde deur fotograaf Lenus van der Broek. Hi’j maekte vleden weke vri’jdagmiddag foto’s doe Douwe en ik een Stellingwarfs-Friese middag verzorgden in de biebeltheek van Wolvege. Hier wor ik deur Douwe ondervraogd.