Fogelsanghstate

We bin vandaege op stap west. Eerst hewwe op ‘e Gediek voegelvoer en aander spul kocht en doe biwwe naor Veenklooster reden. Daor hewwe Fogelsanghstate bekeken. Dat was in de haastvekaansie los. Daornao gaot et tot begin meie dichte en dan kan dat prachtige huus weer bekeken wodden. We hebben d’r een koppien drinken had en doe et hiele huus uut 1644 deurdweeld en we hebben uutleg kregen van de vri’jwilliger die dienst hadde. Schitterend! Gao hier een keer naor toe! Eigeneresse was tot dit jaor Kyra Livia baronesse van Harinxma thoe Slooten. Zi’j raekte kotleden op 86-jaorige leeftied weg. Ze het et spul overdaon an heur dochter Anastasia de Guerre gravinne d’Ansembourg. Elk weekaende komt die mit heur femilie vanuut België naor Fogelsanghstate. Ze wonen dan in et grote huus d’r pal naost. Vervolgens hewwe in Drachten an west bi’j Feddema die in postzegels en munten dot en waor aj’ goold en zulver inwisselen kunnen veur geld. We bin niet uut eten west, mar hebben thuus tosti’s en zalm bakt. Hiel lekker. Hieronder een foto die ‘k vandemiddag maekt hebbe van et mooie Fogelsanghstate.