Filmkarke

Ik bin de hiele middag in de Filmkarke van Hooltwoolde west. In et pergramme veur et schoft zatten de vroegere hadfietsers Gert Jacobs en Steven Rooks an de podcasttaofel bi’j Steven de Jong. Erik Dekker praotte vanuut Spanje mit. De drie hadfietsers vertelden wat ze allemaole wel niet mitmaekt hadden in heur sportjaoren. Dat was hiel interessaant om naor te luusteren. Nao et schoft was alle andacht veur de Stellingwarver film De Sultan van Bercoop. We kregen et begin- en slotlietien van de film te heuren. Karel zong et beginlied en Karst en Lammy zongen et slotlietien. Hiel mooi. Steven het mi’j ok nog even interviewd en ok de heufdrollespeulder Sybren Hofstra. Sybren kreeg een schitterende foto van himzels uut de film. We bin allemaole ok mit mekaander op petret kommen en we kregen een t-shirt van de film. En doe hewwe nog naor een fietsfilm keken. Zodoende wa’k eerst om zeuven ure weer thuus. Hieronder een foto die ‘k vandemiddag maekt hebbe. Karst Berkenbosch en Lammy Bruyns zongen et slotlietien van de film.