Film Sultan

Vandemorgen he’k filmregisseur Steven de Jong op vesite had. We hebben praot over de verfilming van mien verhael Sultan. Steven hadde alderhaande dingen bedocht die de film mooier maeken kunnen. Ik vien dat best. De schriever van et verhael moet en heurt him niet al te vule te bemuuien mit et wark van de filmmaeker. Ik kan trouwens niet slim tegen stress en warkdrok, dat ik zag d’r slim tegenop en hael et hiele skript weer ondersteboven. Mar dat hoeft gelokkig niet. As Steven meensken even wat meer an aanders zeggen laoten wil as wat in et skript staot, stuurt hi’j me die zinnegies tekst toe en ik vertaele et in goed Stellingwarfs. Dat is een hiele stiekel uut de voete. De vraoge is vanzels wel as d’r geld veur de film komt en hoevule. Mar dat moe’n ze bi’j de Schrieversronte veur mekeer zien te kriegen.

Hieronder nog twie foto’s die ‘k vleden weke in de Orchidenenhoeve in Luttelgeest maekt hebbe.