Fietstochien

A’k argens veur de eerste naacht op een vremd bedde slaopen moet, slaop ik meerstal niet zo goed. Mar daor he’k vannaacht hielemaole gien last van had. Ik hebbe prima slaopen in de B&B bi’j mien oolde huus. Ik hebbe d’r een brief schreven en een kollum in klad. Et is wat een wonder gevuul. Een protte dingen bin me zo eigen, mar mien tegenwoordige huus is zo vlakbi’j en ik vule da’k daor zo now en dan ok even henne moet. Vandemorgen he’k d’r bi’j poes keken en bolties klaormaekt veur vanaovend en morgenvroeg. En doe he’k een heerlik fietstochien van 35 kilemeter maekt. Ik bi’j de Kuunder langes naor de sluus aachter Iegypte fietst en doe naor Berkoop. Daor he’k op et terras van resteraant ’t Koepelbos wat eten en drinken had. Vervolgens bin ‘k over Noordwoolde en De Hoeve weer naor huus fietst. Ik bin now weer even thuus om dit dagboekstokkien te schrieven en gao aanst weer naor mien uutvanhuzersadres. Hieronder een foto van vandemiddag. Et witte broggien over de Lende in et ooldewievezoemertien van 2023.