Fietstochien

Ik hebbe vandaege een fietstochien van 35 kilemeter maekt. Ik bin bi’j de Pieter Stoevezaandweg langes naor de Scheenesluus reden. Doe we daor een schoffien leden langesfietsten, zatten d’r een protte brummels. Mar now… was haost alles vot. Ik hebbe nog een fluttien bi’j mekeer scharreld en daor he’k vandemiddag aanderhalf pottien sjem van maekt. Nao et brummelplokken bin ‘k over Ooldelaemer naor Wolvege fietst. Daor he’k in sjefeurskefé De Stoof een koppien tomatesoep en een tosti keze/schinke had. En doe bin ‘k over Der Izzerd weer op huus an fietst. Ik zat vandaege weer mit et feit dat de fiets  iederkeer deurtrapte. Dat is dus nog lange niet in odder. Hieronder een foto. Doe ‘k al weer thuus was wodde et eerst zunnig. D’r was dus nog gien zunne doe ‘k disse foto maekte van waachtende boten veur de Ooldelaemster Brogge.