Fietstochien

Vandaege was et nog et mooiste weer van de wereld om een fietstocht te maeken. De kommende daegen wodt et koold en ontiederig weer. Dat zeggen de geleerden. Ik hebbe d’r vandaege dus mar van profiteerd en een fietstochien van 42 kilemeter maekt. Ik bin deur Wolvege, Sunnege en Ooldetriene naor et spullegien an de Van Helomavaort reden. Daor zat ik pal an et waeter en kon ‘k de boten mooi veurbi’jveren zien. Ik hebbe daor een bakkien drinken en een brotien hamburger had. Over Scheenesluus, Driewegsluus en bi’j de Lende langes bin ‘k weer op huus an gaon. Hieronder dan nog twie foto’s van die mooie dag van gister. Boven: zeilboten op ‘e Waddenzee. Onder: in de veerte bin, niet al te scharp, een fluttien zeehonnen op een zaandbaank te zien.