Fietsen in Zeelaand

Dit is et twiede dagboekstokkien van vandaege! Ik was vandemorgen om 10 over 11 in Zeelaand bi’j Karel en Annie. Et was onderweg vreselik drok op ‘e weg. Nao et eten hebben Karel en ik een fietstocht van 43 kilemeter maekt. We bin deur Nistelrode, Heesch en Schaijk fietst. En veural ok deur et prachtige netuurgebied de Maashorst. Onderweg hewwe op een terras wat dronken en we hebben d’r een lekkere koeke bi’j neumen. Dat drinken is hier wel neudig, et is hier 30 graoden. Et netuurgebied het ontzettend last van alle waeteroverlast. Zie de foto ’s hieronder. Dit heurt dreug gebied te wezen, mar deur alle regen zwemmen hier now waetervoegels. Et blad van pattie bomen kleurt bruun en rood. as was et al haast. Annie is now an et wottelschrabben…