Fietsen in de Betuwe
Plaetst op 2 juli 2022.
Op deensdag hewwe een grote fietstocht maekt. Jelle het een kneuppunteroute uutzet. Ik snappe daor niks van en hebbe d’r ok gien aorighied an. En hi’j kan dat goed. Ik volge onderwegens zien anwiezings en dat gaot aenlik nooit mis. We hebben trouwens een langere route maekt as dawwe van teveuren bedocht hadden en we bin ok nog een stokkien verkeerd fietst. Al mit al was et 67 kilemeter in de waarmte. Mar wel een prachtige route. Eerst over de diek bi’j de Neder-Rijn langes en laeter over de diek bi’j de Waal langes. Wat een mooi uutzicht over dat prachtige revierelaandschop! En wat een tuunbouw en wat een stallegies daor aj’ kossen en aander lekkers kopen konnen! We hebben tussen de middag eten op et terras van resteraant Broer en Ko in Kesteren. Laeter op ‘e middag hewwe nog drinken en waarm appelgebak had op et terras van Proef Tijd in Ochten. We kwammen deur alderhaande dörpies. IJzendoorn, Echteld, Dodewaard… Daor het vroeger ok een kerncentraole staon. En zo halverwege de negentiger jaoren, a’k et goed hebbe, mossen alle meensken uut de streek daore weg vanwege et wassende waeter. Dat was me doe wat. D’r kwammen doe ok zat koenen van boeren daore tiedelik naor oonze omkrieten. Nao die tied bin daor alle dieken verhoogd. In Echteld he’k een foto van kesteel Wijenburg maekt. Die foto staot onder dit stokkien. De laeste bewoner, tot 1956, was Bernard Frederik baron van Verschuer. Hi’j het de boel indertied overdaon an de Stichting Vrienden der Geldersche Kasteelen. Et is now een trouw- en feestlekaosie.
Op woensdag wodde ‘k wakker mit een vervelende soort van heufdzeerte. Ik hebbe morgens wat op ‘e baank en op bedde legen. Dat was verdrietig. Tussen de middag hewwe wat eten op et terras van boerderi’jewinkel Gruun die mar zoe’n zeuvenhonderd meter van oons huus lag. Middags hewwe een kleine fietstocht in de omgeving maekt van 22 kilemeter. We hebben doe op et terras van Het Wapen van Lienden drinken en appelgebak had. Van de dokter moe’k dit gedoe nog even anzien blieven.
Op woensdag wodde ‘k wakker mit een vervelende soort van heufdzeerte. Ik hebbe morgens wat op ‘e baank en op bedde legen. Dat was verdrietig. Tussen de middag hewwe wat eten op et terras van boerderi’jewinkel Gruun die mar zoe’n zeuvenhonderd meter van oons huus lag. Middags hewwe een kleine fietstocht in de omgeving maekt van 22 kilemeter. We hebben doe op et terras van Het Wapen van Lienden drinken en appelgebak had. Van de dokter moe’k dit gedoe nog even anzien blieven.