Fietsen (8)
Plaetst op 3 juni 2022.
Aenlik ma’k vanwege de antibiotika-kure niet in de zunne kommen, mar dat is ok al wat… Ik hebbe me goed insmeerd en hebbe vandaege toch mar een fietstochien van 37 kilemeter maekt. Doe ‘k weer thuus was, wa’k best wel mu. Ik bin bi’j de Lende langes naor de Driewegsluus reden. Daor he’k op et terras wat drinken had en een peer plakkies bolle mit waarme bienschinke. En doe bin ‘k dezelde route weerommereden naor huus toe. Wat bluuien de bloemen nog mooi in de baarms: margrieten, koekoeksbloemen, moeze-oren, duzendblad… En dan al die varkenties an de kaant van et waeter. Hiel mooi!
Doe ‘k vleden weke zaoterdag in Dinxperlo was, he’k een foto maekt van et op ien nao kleinste karkien van Nederlaand. Et is in 1911 bouwd naor anleiding van een testementaire bepaoling. In 1984 is et restereerd. In et karkien wo’n tentoonstellings hullen. Et is 4,5 bi’j 6,4 meter en et staot op ‘e foto hieronder. Et alderkleinste karkien van Nederlaand staot in Kallenkote. Dat is 6 bi’j 4 meter! Ie hebben altied baos boven baos!
Doe ‘k vleden weke zaoterdag in Dinxperlo was, he’k een foto maekt van et op ien nao kleinste karkien van Nederlaand. Et is in 1911 bouwd naor anleiding van een testementaire bepaoling. In 1984 is et restereerd. In et karkien wo’n tentoonstellings hullen. Et is 4,5 bi’j 6,4 meter en et staot op ‘e foto hieronder. Et alderkleinste karkien van Nederlaand staot in Kallenkote. Dat is 6 bi’j 4 meter! Ie hebben altied baos boven baos!