Fietsen (4)
Plaetst op 18 april 2022.
Wat is gezonder as mit dit mooie weer een aende te fietsen? Niks! Daoromme bin ‘k vandemorgen mar weer op ‘e fiets stapt veur een lekker rittien. Ik bin via Steggerde en de Heerlikhied De Eese naor Frederiksoord reden. Daor he’k op et terras van Gaasteri’je Frederiksoord een bakkien drinken had en een boltien brie mit walneuten en hunning. Hiel lekker! En doe bin ‘k over Noordwoolde en De Hoeve weer naor huus fietst. Wat hewwe van ’t jaor prachtige paosdaegen! Gister he’k 43 kilemeter fietst en vandaege 37. Dat is percies 80 mit mekeer. Niet echt vule, mar et was wel hiel lekker. Dit is beslist de mooiste tied van et jaor. Laot et asjeblief nog een schoft zok mooi weer blieven!
In Twente leit de wereld d’r al lieke prachtig bi’j. Mien goeie vrunden Johan en Gertie uut Almelo, die van oorsprong uut de Stellingwarven kommen, stuurden me een peer foto’s toe. Hieronder he’k d’r iene hennezet. Dit is et mooie kesteel Twickel in Delden mit bluuiende hiasinten, tietelozen en keizerskronen.
In Twente leit de wereld d’r al lieke prachtig bi’j. Mien goeie vrunden Johan en Gertie uut Almelo, die van oorsprong uut de Stellingwarven kommen, stuurden me een peer foto’s toe. Hieronder he’k d’r iene hennezet. Dit is et mooie kesteel Twickel in Delden mit bluuiende hiasinten, tietelozen en keizerskronen.