Fietsen

Vandemiddag hadde et wezen zuld. Dan zol de officiële ‘eupening’ west hebben van de faunatoren in Ni’jhooltpae daor de JVS geld veur geven het. Mar et is de meensken van de Voegelwaacht niet lokt om et bod dat d’r bi’j komt te staon op ‘e tied klaor te hebben. Et zal now nao de zoemer wezen.

Ik hebbe zowel gister- as vandemiddag een tippien fietst. Gister naor Berkoop en vandemiddag naor Wolvege. D’r is altied wel een bosschoppien te verzinnen en ik moet in beweging blieven mit mien stieve en zere spieren. Ik kriege d’r de laeste tied wat grote en kleine ongemakkies bi’j daor vroeger of laeter wel wat an daon wodden moeten zal. Over een peer weken za’k naor Voetmax in Beetsterzwaog. Hieronder nog een foto die ‘k vandemiddag maekt hebbe. Ik stao hier op ‘e oolde Blesbrogge en kieke mit de Lende mit et west in. Rechts en hier niet te zien staot Gooijer’s Meule. Recht veuruut is de jachthaven en et eilaantien daor ik wel mit Jan kwam. Zi’j hadden daor een boothuus mit heur boot d’r in. Et is van ’t jaor al zeuventien jaor leden dat Jan wegraekte. Onbegriepelik.