Fietsen

Et was vandaege prachtig fietsweer, dat ik hebbe een bescheiden tochien van 37 kilemeter maekt. Ik bin bi’j de Kuunder langes naor de sluus bi’j Ni’jberkoop fietst en doe over Bekhof, Buil en De Oosterstreek naor Noordwoolde en Noordwoolde-Zuud. Vervolgens over De Hoeve weer op huus an. Ik hebbe nargens ansteuken om wat te eten, mar hadde een boltien mit keze en wat drinken mit in de fietstasse. En dat he’k op een baankien bi’j een broggien over de Noordwooldiger Vaort opeten- en dronken. Wat bluuiden de varkenties overal mooi! Ik was onderweg krek de ofslag naor Iegypte veurbi’j doe me een auto aachterop kwam, die toette en even veerderop stopte. Daor zatten Jarmo zien vader en moeder in. Die weren een mooie tocht an et uutstippelen. Ie kun bi’j heur lillike enten huren en dan verschillende mooie tochten deur de omgeving maeken. Ik kan dit alle ok mar een betien aeventuurlike dagboeklezers anraoden! Hieronder nog een foto die ‘k maekt hebbe van de Ni’jberkoper Kuundersluus, krek noordelik van de buurtschop Iegypte.