Johan Veenstra
Stellingwarver schriever en verteller

Fietsen

Plaetst op 26 meie 2024.

Vandaege was et prachtig zoemerweer en he’k een fietstocht van 53 kilemeter maekt. Ik bin over Steggerde naor De Eese fietst en van daor naor Willemsoord, Stienwiekerwoold en Ooldemark. Ik was van doel en eet wat op et terras van de Driewegsluus, mar daor was et bastende drok. Doe bin ‘k mar bi’j de Lende langes naor Wolvege fietst en daor he’k op et terras van De Stoof een brotien keze en een brotien hamburger had mit wat drinken d’r bi’j. Vervolgens he’k nog even bi’j Jarmo keken in zien ni’je onderkommen an de Industrieweg. Et wark schöt daor mooi op. Hieronder nog een foto van gister. Zonder da’k et in de gaten hadde, het Saakje me op petret zet op ‘e diek in Peasens-Moddergat.