Fietsen

We hebben vandaege een heerlike fietstocht van 44 kilemeter maekt. Et was prachtig zunneschienweer tot drie ure. Daornao betrok et wat, mar de temperetuur bleef heerlik. Zo om de twintig graoden henne. We weren van doel en gao mit de auto en de fietsen naor de Driewegsluus, mar dat wodde een malle opgaove. We ontdekten dawwe in Wolvege de Pieter Stoevezaandweg niet op konnen. Dat hewwe ok bi’j Scharpenzeel perbeerd, mar de hiele weg ligt d’r uut. Doe hewwe de auto mar bi’j de Ooldelaemster Brogge daelezet en biwwe daor begonnen te fietsen. Over de Driewegsluus en de Lendediek naor Ossenziel. Van daor over dat prachtige fietspad mit wel 45 broggies naor en deur Kaelenbarg. En vervolgens over Nederlaand en Wetering naor Ooldemark en de Driewegsluus. Onderwegens hewwe op et terras van kefé De Weerribben wat drinken had mit wat lekkers d’r bi’j. We hebben ok nog een slinger bi’j de Scheene langes maekt. Vanaovend hewwe lekker eten bi’j Van der Valk in Wolvege. Hieronder een foto van misschien wel de laeste mooie naozoemerdag. Dit is et mooie Kaelenbarg.