Fietsen (18)

Ik hebbe vandaege een fietstocht van 48 kilemeter maekt. Et was heerlik fietsweer, mar d’r ston wel een flink stok wiend. Ik bin over et Lendepattien naor de Driewegsluus fietst en doe naor de Scheenesluus. Daor he’k in de theetuun van David en Tanja een bakkien drinken had en een heerlike panini mit tonijn en keze. Veur vanaovend thuus he’k een lekker appelgebakkien mitneumen. David zee da’k ok wel es een thriller schieven kon over, bi’j en in zien meule De Rietvink. Mar… hi’j wol in dat boek niet vermoord wodden. Now ja, ik moet mar es zien wie d’r dan vermoord wodden moet… D’r was weer een protte volk onderweg naor de opera Expeditie op Drift van Mozart an de Scheene. Vandemiddag was de tiende en laeste veurstelling. Ik bin deur de Braandemeer staorigan op huus an fietst.

Hieronder een foto die me deur Ria toestuurd wodde. Doe we donderdagaovend op et terras van resteraant Boszicht in Ni’jberkoop zatten te eten, het een serveerster oons op petret zet.We zullen hier krek an et heufdgerecht beginnen.