Fietsen (13)
Plaetst op 4 juli 2022.
D’r van uutgaonde dat in beweging blieven goed veur me is, he’k de laeste peer daegen ok mar een tippe fietst. Zaoterdag mar een klein tippien: 28 kilemeter. Gewoon even Berkoop, Noordwoolde en De Hoeve omme. Gister bin ‘k bi’j de Lende langes naor de Driewegsluus reden en doe naor de Scheenesluus. Daor ha’k wat eten en drinken wild in de theetuun bi’j de meule. Mar… die was dichte vanwege vekaansie. Doe bin ‘k mar weerommefietst naor de Driewegsluus en doe naor Ooldemark. Op et terras van Hof van Hollaand he’k een bakkien drinken en een twaelfuurtien had. Vervolgens bin ‘k over Blesdieke en De Blesse staorigan weer op huus an fietst. Een mooie tocht van 50 kilemeter.
Awwe et platte van de voeten onderholen, gaon Jelle en ik d’r ankem jaor vanzels weer een midweke op uut. Mar dat eerste mag d’r zo staorigan wel bi’j! Awwe et platte van de voeten mar onderholen… Butendat kennen we mekeer dan zestig jaor en dat zuwwe vanzels al of niet uutbundig ok vieren/gedaenken. We zullen twie daegen naor een eilaand! Hieronder veur et ofwennen dan nog iene foto van vleden weke. Pal an de diek staot de Catharinakarke van et dörp IJzendoorn. Hier biwwe vleden weke deensdag bi’jlanges fietst. Dat is morgen al weer een volle weke leden…
Awwe et platte van de voeten onderholen, gaon Jelle en ik d’r ankem jaor vanzels weer een midweke op uut. Mar dat eerste mag d’r zo staorigan wel bi’j! Awwe et platte van de voeten mar onderholen… Butendat kennen we mekeer dan zestig jaor en dat zuwwe vanzels al of niet uutbundig ok vieren/gedaenken. We zullen twie daegen naor een eilaand! Hieronder veur et ofwennen dan nog iene foto van vleden weke. Pal an de diek staot de Catharinakarke van et dörp IJzendoorn. Hier biwwe vleden weke deensdag bi’jlanges fietst. Dat is morgen al weer een volle weke leden…