Fietsen (10)

Et was een dag mit volop zunne en dus geschikt om een aentien te fietsen. D’r ston wel wat wiend, mar dat maekt niks uut, dan zet ik de ondersteuning gewoon wat hoger. Ik bin bi’j de Lende langes naor de Driewegsluus reden en van daor naor Ooldemark. Op et terras van Hof van Hollaand he’k wat drinken en eten had. Een twaelfuurtien: een koppien tomatesop, een plakkien bolle mit een kroket en een uutsmieter. Lekker! Et terras zat praktisch vol, et was d’r hatstikke drok. Over Blesdieke, De Blesse en Wolvege bin ‘k weer op huus an gaon. Mit mekeer was dat 41 kilemeter. Hieronder een foto die ‘k maekt hebbe. Dit is een ni’j broggien bi’j de Driewegsluus. Et ligt in et fietspad naor Ooldemark toe. Now ja, aenlik is et gien ni’j broggien. Et lag eerder in Oostmahorn. Dat he’k argens lezen. Daor dee et bliekber gien dienst meer, dat now verbint et de Stellingwarven mit Overiessel.