Fiets

Douwe en ik hebben et gister nog troffen mit oonze fietstocht. Ondaanks die iene dikke bujje die we op ‘e huud kregen hebben. Et is now trouwens echt flutweer, hielemaole gien mooi fietsweer. En toch he’k vandaege nog 30 kilemeter fietst, mar dat mos wel. Een schoffien leden het de fiets een servicebeurt had en d’r mos ok nogal wat rippereerd wodden. Dat is doe mar veur een pat gebeurd, want ze hadden alle onderdielen niet. Die hadden ze now wel, dat ik hebbe de fiets vandemorgen weer naor de fietseman in Wolvege brocht en een lienfiets mit weerommekregen. Laeter he’k mien eigen weer ophaeld. De fiets het now ok een kompleet ni’j stuur kregen. Mar goed, now is alles dan ok weer klaor. Vandemiddag he’k een kollum in klad schreven en omdat et morgen ok niet echt mooi weer liekt te wodden, bin ‘k dan van doel en gao mar es weer mit de trein vot.