Faunatoren

De Voegelwaacht van Hooltpae e.o. lat drie faunatorens zetten en wel in de dörpen Hooltpae, Ni’jhooltpae en Der Izzerd. Een faunatoren is een betimmerde veurziening op een lange paol die in cement staot en een bruud- en schoelplak bödt an bi’jveurbeeld voegels, insekten en vleermoezen. De faunatoren op Der Izzerd staot d’r al een schoffien. An die in Ni’jhooltpae wodt now warkt. Die komt bi’j et mfc De Ni’je Stienze te staon. Zie de foto hieronder. Op ‘e aachtergrond is et mfc te zien. De Johan Veenstra Stichting geft geld veur dit projekt. En ok et geld da’k op mien verjaordag kriege, wodt an dit mooie projekt besteded. De gaasten die bi’j mien stamppotbuffet binnen, kun nao et eten de faunatoren bekieken en ze kriegen uutleg van meensken van de Voegelwaacht. Ze kriegen dan te zien hoe de betimmering boven in de paol naor beneden haeld wodden kan. Dat liekt me aorig!