Faunatoren

Et duurde even langer vanwege de winter, mar now staot de faunatoren hier in Ni’jhooltpae te plak. Zie de foto hieronder, die ‘k vandemorgen maekt hebbe. Op ‘e aachtergrond bin mfc De Ni’je Stienze en obs ’t Holtpad te zien. De voegelwaacht van Hooltpae e.o. plaetst drie van die torens: in Hooltpae, Ni’jhooltpae en Der Izzerd. Die van Ni’jhooltpae en Der Izzerd staon d’r now. Die van Hooltpae komt nog. Voegels, insekten en vleermoezen kun d’r een schoel- en bruudplak vienen. De Johan Veenstra Stichting betaelt d’r an mit. Et was eins de bedoeling dat de toren d’r in Ni’jhooltpae al begin jannewaori staon zol, dan hadden meensken van de voegelwaacht een dimmestraosie en uutleg geven tiedens et fesien van mien verjaordag op 11 jannewaori. Spietig dat et doe niet kon. Belangrieker is dat de faunatoren d’r now staot. Et is een anweenst veur et dörp.