Executeursmiddag

Vandemorgen he’k even naor de Schrieversronte in Berkoop west om boeken op te haelen veur de verkope. Dat moet aenlik wel deurgaon. Vandemiddag was oonze jaorlikse Executeursmiddag, dat zo kree’k Fettje, Jelle en Pieter op vesite. Ze brochten een prachtig boeket bloemen veur me mit. We hebben hier wat drinken had mit wat lekkers d’r bi’j. We hebben vanzels ok genoeglik bi’jpraot. Butendat hebben ze et manuskript van mien ni’je boek mit 28 verhaelen van me mitkregen, want ze zitten alle drieje ok in mien vaaste leesgroep. We hadden ok nog naor de Karstenhoeve in Runerwoold zuld en dan nog mit mekeer uut eten in Dwingel. Mar dat is allegeer niet deurgaon. Ik durve nog niet echt uut eten te gaon. Zokke dingen kommen hopelik wel weer. Hieronder een kaorte die ‘k toestuurd kreeg van Jan en Diana, die op vekaansie binnen in Oisterwiek.