Even op stap

We bin vandaege even op stap west. Niet veer vot mit dit motterige en diezige weer. We hebben gewoon wat bosschoppen daon en stri’jzoolt en rutesproeiervloeistof veur me kocht. Ze zeggen dat et weer winter wodden zal mit an et aende van de maond daegs en naachs beheurlik vost. We zullen et zien, mar dan bin ik d’r in ieder geval klaor veur. We hebben ok een fietshelm veur me kocht. Ik vien et aekelike dingen en ie lopen en fietsen d’r bezeupen bi’j mit zoe’n ding op. Dat vien ik echt. Mar ja, ik bin vandezoemer al een keer valen mit de fiets en mit et oolder wodden moej’  bi’jtieden konsessies doen… Toe dan mar. Om half drieje hewwe luncht in sjefeursresteraant De Stoof in Wolvege. We hebben ieder een twaelfuurtien had. Veurtreffelik!

Hieronder nog een foto die ‘k gistermiddag in Tjerkwerd maekt hebbe. Dit is de Workumer Trekvaort die pal naost et dörpshuus langeslopt daor ik verteld hebbe. We bin hier in wezen mar een kilemeter of wat onder Bolsward.