Even de diek uut

Et was vandaege weer roetkoold deur de wiend. We bin wel even de diek uut west, mar we bin krek as vleden weke niet veer vot west. Moch et al glad wodden dan moej’ niet te lange rieden moeten. Zodoende hewwe naor Tuundorado in Drachten-Zuud west. Daor kuj’ altied wel wat tied te zuke brengen. Ik hebbe nog wat voegelvoer kocht en een poede zoolt veur as et toch weer glaezebakken gaot. En nog een peer plaanties… We hebben om kwat over drieje een heerlik twaelfuurtien had in sjefeursresteraant De Stoof an de oolde rieksweg in Wolvege. Et zit daor gezellig en et eten is hiel lekker en veur een wel slim schoppelik priesien. We zullen d’r ok es een keer waarm eten.