Eupenlochtmuseum Warffum

Vandaege was et jaorlikse daggien vot mit Saakje. Ik was vandemorgen om goed half 11 bi’j heur op ‘e Harkema. We hebben eerst wat drinken had en ik hadde lekkere koeken mitneumen van de waarme bakker van Berkoop. Vervolgens biwwe in de auto stapt en via een mooie toeristische route naor Warffum reden. Daor hewwe eupenlochtmuseum Het Hoogeland bekeken Ik was d’r ooit eerder west. Ik daenke mit Jelle, mar ik wete soms niet meer mit wie ik waor overal wel niet west hebbe. Et is een prachtig museum en slim et nog es bekieken weerd. We hebben daor ok luncht. Op ‘e weerommereize naor De Harkema hewwe even veurbi’j Lauwersoge een schoffien op ‘e Spaanse Trappen zeten mit uutzicht over et Wad. Et was eb en in de veerte zag ik de vuurtoren van Schiermonnikoge. Bi’j Saakje he’k nog een peer botties soep en een plakkien bolle had en doe bin ‘k weer op huus an zet nao een mooie en lekkere dag. Et was goed 20 graoden. Hieronder twie foto’s die ‘k in et eupenlochtmuseum maekt hebbe.