Eupen Stal (4)

Ik hadde vandemorgen om half negen al een panne mit makkeroni klaor. De kommende maond moet de eteri’je in verbaand mit Eupen Stal wat mit de Fraanse slag gebeuren. Ik maeke zo now en dan pannen vol makkeroni of stamppot, daor a’k dan een dag of wat mit toe kan. Dat liekt me et makkelikste. Ik perbere elke dag ok een aentien te fietsen. Ik gao dus niet altied rechtstreeks van huus naor Berkoop en van Berkoop naor huus. Vandemiddag bin ‘k bi’j de Kuunder langes naor Berkoop fietst en ik bin zokrek van Berkoop over De Hoeve weer naor huus gaon. Op die meniere he’k toch een 24 kilemeter fietst. En dan mit dit weer! Heerlik! Et was vandaege niet overdrok, mar et leup wel algedurig deur.