Etenties

Ik ete vandeweke mar hiel weinig thuus. Eregister hewwe eten bi’j de Koepelbos in Berkoop. En gister bin ‘k in de loop van de middag naor kammeraod Douwe (en Romkje) in Veenwoolden gaon. Douwe en ik hebben dezelde webmaster: Pieter uut De Westereen. Veur al zien zegenrieke wark veur oons beidend trakteren we him ien keer in et jaor op een etentien. Et iene jaor daor bi’j heur in de buurt, et aandere jaor kommen zi’j naor de Stellingwarven. Gisteraovend hewwe eten in hotel-resteraant ’t Dûke Lûk in et mooie Veenwooldsterwal. Et was een mooie aovend mit genoeglik gezelschop en heerlik eten. En now gao ‘k aanst de deure weer uut veur et jaorlikse etentien veur bestuur, passeniel en vri’jwilligers van de Stellingwarver Schrieversronte. Dat is in et gebouw van de Schrieversronte en et eten wodt verzorgd deur hotel Lunia dat d’r vlakbi’j staot. Ik hope dat et eten waarm blift as dat in de koolde van et iene gebouw naor et aandere brocht wodden moet.

Morgen zit ik de hiele dag mit mien boeken op ‘e kastmark in de karke van Scharpenzeel. Kom mar langes en koop mar een mooi boek van me! Ok daor he’k mooie kopies