Eten mit oonze webmaster

Vandemorgen he’k naor fysiosport west. Ik kan alle oefenings nog wel goed doen. Lopen wodt minder. Ik bin nooit een loper west, mar gister het wel blieken daon da’k niet meer as 3 kilemeter lopen kan. Ik kriege zomar piene in de rogge. Dat gedoe mit spieren en gewrichten is vanzels niet wat tiedeliks. Ik hebbe de leeftied niet mit. Daoromme he’k vandemorgen twie gezondhiedskussens kocht. Zoks schient goed te wezen veur nekke en schoolders.

Ien keer in et jaor gaon Douwe en ik mit oonze gemienschoppelike webmaster Pieter uut eten. Dan trakteren we Pieter. Et iene jaor biwwe hier bi’j mi’j in de buurt en dan betael ik alles. Et aandere jaor is et bi’j Douwe en Pieter in de buurt en dan betaelt Douwe alles. Vanaovend het Douwe betaeld. We hebben lekker eten in De Pleats in Burgum en genoeglik bi’jpraot. Et aorige was dat ik zeker zes keer in De Pleats optreden hebbe en ok wel in de zael waor we zatten te eten. Weeromme naor huus zag ik zokrek de maone prachtig groot, helder en haost rond an de locht staon.

Vandeweke kwam d’r een kaorte (zie hieronder) van Harry en Frans uut Winterswiek. Die bin daor op vekaansie. De buurtschoppen om Winterswiek henne bin prachtig om een tippe te fietsen. Ik hope dat ze dat doen en dat ze d’r van genieten!